呢個weekend, 紐約熱到癡線…
我Sam Sam 好陰公, 因為佢Sam 媽部冷氣未裝, 熱到佢攤左晌度唔願郁!
星期六上完training class, 部車開住冷氣, 個樣幾爽!
今日佢係完全唔願郁, Sam 媽唯有係咁整d 冰粒佢咬, 降下溫…
但係Sam 媽自己都好熱呀~~~~~~~~~~~~~~~~~~~~~~~~
長周末有3 日假期, 之前會好好計劃去玩, 有左隻狗之後, 完全唔同晒,
星期六, Sam Sam 要上堂
星期日, 去左朋友屋企同佢隻狗狗social
佢地全家都鍾意Sam Sam, 放假托兒有著落啦! 
星期一, 帶Sam Sam 去狗公園, 佢第一次咋
成班狗係咁聞呢隻新丁
Sam 媽見隻隻都牛龜咁大隻, 一開始唔敢放Sam Sam 入去沙圈, 淨係晌邊邊等佢同另一隻狗狗玩下先
唔使好耐, 一班狗主人圍埋黎係咁玩隻Sam Sam
勁話佢Cute, Sam 媽梗係全收
呵呵~
熱身左一陣, 放左Sam Sam 入沙圈, 一班狗圍晒過黎
Sam Sam 細細粒, 梗係被人蝦啦!
最慘係Sam 媽都被狗蝦囉….
咁既, Sam 媽個袋有d 狗小食準備Sam Sam 乖就俾d 佢..
其它d 狗狗大個d, 鼻又勁d, 聞到就係咁’pok’ Sam 媽
佢地又大隻, 攪到Sam 媽為避開佢地d 攻擊而扭親腳!
Sam Sam 仲嚇到唔敢郁, 唯有36著, 走為上著!!
今日係Sam 豬第一次上堂, 佢好開心, 成個癲左一樣.
個Class 有一隻史納沙, 一隻狼狗同埋一隻朱古力拉布拉多, 好似仲有一隻今日無黎.
隻狼狗又係叫Sam, 係狗女, 真係好似I Am Legend 咁!
個訓練師好老, 成日都唔記得要做d 乜, 但係好有經驗.
今日學左少少Clicker 方法, 黎緊呢個星期都要好好幫佢練習~
不過, 今日真係見識到有d 人真係唔應該養狗囉…
係咁既, 朱古力拉布拉多個主人帶埋兩個仔一齊上堂, 個細仔3 歲左右, 好嘈不單止, 仲掟野, 掟到我Sam 豬! 離譜!!! 
訓練師教野, 個媽咪叫個大仔, 6-7歲到學囉, 自己就坐埋一邊! 真係唔係呀化!?!
個仔都唔夠力控制隻狗, 隻朱古力係咁撩事鬥非, 個細路就係咁放繩由隻狗行…
結果… 隻衰朱古力咬我Sam 豬耳仔!!!!
嚇到我即刻抱起Sam 豬, 個刻係想喊囉…
過份!!!
好彩抱得切Sam 豬, 淨係隻耳仔濕左, 無事… 無咬親… 
跟住我地好明顯咁移位囉, 個女人又好似好忙咁, 堂都未落就閃左
成個class 靜晒~ 
Sam 豬今日玩得好利害, 返到屋企再同佢玩多一陣, 就放返佢入籠.
一入籠, 就變死豬!
平時…… 行行企企一大輪先會訓低, 望天望地一排先訓!
果然, a good dog is a tired dog! 
唉, 我都唔想講喇, 各位自行睇下我家破壞王的傑作啦…
呢兩個星期抹地抹到我癲左喇 
Sam 媽我一直都淨係偷爛無寫blog, 但係一d 都無疏忽照顧我家Sam 豬!
報告一下最新情況先:
Sam 豬而家3.5 月大, 差唔多15 磅, 越來越少機會可以好似bb 咁抱佢啦…
個個都話佢唔係咁大隻, 要再食多d 野…
不過, 最勁係母后皇太后, 夠膽叫我唔好俾咁多野Sam 豬食, 等佢唔好大得咁快!!!!!!
呢個禮拜打完所有針可以出街啦!!
Sam 媽第一時間帶隻仔去沖涼, 因為由帶佢返黎0個日到而家先沖第一次涼… 可想而知有幾”乾淨”!
今日晌Petsmart 見到好多狗狗, 係Sam 豬第一次正式去街街, 成個癲左咁, 一d 都唔受控制!
下個星期開始, 會帶佢上BB 班啦, 希望佢會聽話d 啦~
但係… 同醫生傾過… 覺得Sam 豬有少少分離焦慮症傾向, 可能我太過緊佢…
我會嘗試對佢差D 架啦… 哈哈哈!!!
