好多謝孫耀威先生!
每一個人都有自己的夢想.
我的DJ 夢想多年前已經達到, 但在DJ 夢想生涯中的夢想一直未有達成:
我要跟我最喜愛的孫耀威做訪問!
結果, 這麼多年以後, 我得到我最渴望的…
多謝孫先生!
多謝你的機會!
多謝你的成全!
多謝你的親切!
多謝你的一切…
最近的fans 事件確實好似連續劇, 令我想起追星的我.
第一代追的星: 黎生… 黎明! 唔好笑!!!!!! 當年因為好朋友日提夜提黎生, 變相地, 我也”追”起來了. 咁當然, 佢初初的作品是不錯的~
瘋狂行為: 勁聽勁聽勁聽佢d 歌! 
第二代追的星: 吳奇隆. 一句講完: 跳舞型!
瘋狂行為: 寫信要簽名相! (今時今日都好少人會寫信, 更何況真係send 返張簽名相呀…) 
第三代追的星: 何家勁 + 林志穎. 雖然兩個人唔同style, 但係有兩種唔同的味道.
亞勁係睇完包公之後, 覺得勁型(我係標準電視迷!)
小志係靚仔… 呵呵!
瘋狂行為: 成間房貼滿兩人的poster! 
第四代追的星: 孫耀威
呢個係追得最耐最徹底的… 直到今時今日, 我仲係fans!
瘋狂行為: 勁買任何有佢相的雜誌, 無論張相幾大定幾細! 演唱會一定到, 一定買最貴飛~ 
曾經, 娛樂圈係遙不可及, 現在人大了, 發覺那只是其中的一個行業而已.
現在的追星亦某程度上變成, 你買某歌手的碟, 你便是追星一族了.
我喜歡90年代的香港樂壇, 而他們好多都回來了!
真心希望聽多d 好歌, 少d 混歌(歌手唱完再係咁用電腦執0個d)! 
我唔熟NBA, 大王就幾好… 被陶勳下, 我都會睇下, 留意下.
今年買左飛睇現場, Nets 對Rockets
幾平架, $50 一個人, 仲有汽水加熱狗!
唔係山頂位添~ 睇到樣架!
一心睇姚明, 點知佢之前一個星期整親腳 
好彩仲有麥雞翼(Tracy McGrady) 同 Jason Kidd
可惜, 場波悶爆!
71 比96, Nets 輸左…
有錢就好啦, 我想睇All Star 明星賽… 
我從來都不太介意告訴別人, 我是廣州人.
廣州係我的家鄉.
不論別人如何看芳村, 說芳村是如何鄉下的一個地方, 芳村依然是芳村, 即使現在被易名撥入荔灣.
芳村係我的家.
在小學同學的blog 上看到一些相片, 同大家分享下 (何小豬先生借d 相黎用下~):
小時候好多時間在這裡過, 當時好殘舊… 好似係晌呢度開始學溜冰~
芳村其中一個最出名的地方, 精神病院!!! 哈哈哈….
被遺棄的舊碼頭…
完全唔同樣的碼頭… 我曾經晌呢度跌過落珠江~
呢d 叫蝦艇, 上一代的水上人家, 好似仲有人住架…
我們稱响美國出生的中國人為 ABC, 即 America Born Chinese, 又或者竹昇。
最初真的不太明白為何以竹昇一詞去形容 ABC, 結果某老華僑告之原故 : ABC 是中文不通, 英文亦不通, 就似竹昇一樣, 兩頭不通。
小 妹則有另一見解: ABC, 大部份英文很好, 亦不太願意學習中文。所以, 用竹昇一詞形容不太妥當, 起碼他們英文程度點差也有個譜。相反, 移民如我, 因為工作關係, 不時不大需要英文書寫, 因此英文程度足以令自己汗顏。至於中文方面, 睇還可以, 要提筆就…..呵呵呵! 正因為這樣, 英文程度不夠, 中文亦忘記的情況, 才真正適合以竹昇一詞去形容。
如此情況最麻煩的是做節 目時要將自己的所見所聞好好地解釋予聽眾。明明知道自己想講的是東, 卻奈何將原意解釋成西, 往往令人丈二和尚, 摸不著腦袋。 而最最大件事的是, 因為小時候讀書時是以國語教學, 很多時只記得國語發音而忘卻了廣東話那種感覺是令人十分抓狂! 那我算是竹昇嗎?