睇到個主題, 係咪好驚呢?
哈哈, 我都可以正經架 
最近突然好有感覺, 商業與創作這兩樣東西好像好難找到一個平衡點.
全因一句說話, 引發我寫這篇網誌.
有人跟我說, 因為我是讀商科出身, 所以整理文件比較有條理.
想一想, 好像以前真的不太會整理自己的東西 (當然, 經歷也幫了一把!)
但再想深一層, 因為讀了商科, 好多事情都變得有一個個框圍住, 每一樣事情都會先想到可行性. 到現在想在創作上有突破, 似乎都被以前想學的困住了, 好難有天馬行空的想法.
可惜, 天馬行空是創作的必需品.
又因為工作及客戶要求, 即使創作有創新idea, 好多時候都會被改得體無完膚, 失去原有的意思.
究竟, 商業與創作如何可以和平地共處?
話說, 親愛的老爸已經60 歲, 最近佢好努力學習, 學英文, 學電腦, 學聽mp3.
有時佢上網見到d 學英文的資料, 會下載到電腦再印出黎學. 但因為家中打印機正式壽終正寢, 老爸便需要我幫手在公司列印.
一直我都幫佢一手搞掂, 不過呢兩個星期, 佢話自己email 俾我. 之前一次試過得, 但之後幾次又send 唔到. 老人家學電腦, 真係要慢慢一步步寫低先會記得.
今日, 收到佢發的一封電郵, 主題係 ‘i love you’
睇到電郵一剎那, 好想喊.
大部份中國人都唔會將愛掛嘴邊, 父母級更加唔會.
雖然我知道老爸係試發電郵才send 出那封email, 我還是好有感觸, 好感動的… 
講真, 我自己都無辦法對兩老說得出口, 但我真係好想說, 我愛你(們).
Facebook 紅透半邊天, 好多沒想到的人都有可能在這個網站上再見.
例如, 我就再見一位在高中時代好好的朋友.
曾經, 和另一位朋友, 一行3 人, 形影不離.
一起在警局做翻譯, 就算是義工一份都準時到達;
一起從A 院線偷走到B 院線, 為求多看幾套片;
一起shopping, 上學, 玩樂…
可惜, 人越大, 似乎越難守得住友情.
人與人之間的比較也漸漸打擊每一個成長中的你我…
高中畢業後, 你不找我, 我也不去聯絡你,
一切像來得自然, 卻又突然!
今天, 在Facebook 重遇你, 好想大聲說句,
朋友, 好久不見, 你好嗎?
呢日, 好朋友”易令”為就本人’懶’忙的時間, 專程帶我去過半日闊太生活,
仲要專登請假, 兼請客!
感動!!!
我地去左Four Season, 四季酒店high tea~
又唔係好貴, 2人套餐都係$350港幣
有名茶+靚糕點
我叫左荔枝綠茶, 都ok 好味
“易令”要Peppermint Leaves, 佢話唔錯
Tea time 3 點開始, 我地2:30 到左
個姐姐都好好人, serve 我地坐低先
因為早, 所以有窗口位!
張sofa 好好坐添~
有得食啦
呢碟係果醬同牛油咋
好典型的英式tea…
三層食物, 第一層有呢d
我最鍾意個朱古力小cake
第二層
本來得4 個muffin
左邊個d 呢, 係加架
好似係因為唔多人, 所以先有
waiter 會托住d 野, 行埋你張檯問你加唔加
“易令”話係得呢間係咁
正!!!
最下層, 小三文治
我鍾意個三文魚同蟹肉(右邊呢…)
好好味, 多謝”易令”!!!
今年放假撞正陳奕迅演唱會, 不過一飛難求, 幾經辛苦才買到票!
因為時間緊逼, 行程排得滿滿的!
我早機到香港, 下午便要去大王中學的gathering.
可能是名校的關係, 見到幾個’名人’, 太極的Joey Tang, 鄧子峰, 仲有一身光明會打扮的菇爹(何韻詩爸爸)!
夜晚就紅館看陳奕迅!
當然, 因為Joey Tang 是結他手, 又見到了~
903好多主持都有到場, 狄偉, 小儀(坐我前2行), 光仔(坐我前面), 森美, 小谷, 仲有新城的快必坐我後面…
舞台同整個演唱會都不錯, Eason 說當晚是錄影, 還要是HD!
好high tech 啵!
如果真的, 那麼大家有機會見到一個傻婆飛身握手的影像了…
不過, 因為實在太累, 到演唱會尾聲, Eason 唱慢歌時, 我隱約在瞌眼訓了…
老實說, 歌曲次序編排得有點怪…
但還是好看啦! 