原來我已經好多個星期無响office 坐足5 日，until 今個星期！
一個星期出左去開會，一個星期要帶SamSam去做手術，一個星期去辦人生大事，上個星期就去左秘撈！
但係，其實坐足5 日都真係得個坐字，最近D 經濟都係一個字，唉！
年尾D 花紅都係凍過水，又要度下點樣可以更加平靚正搞個wedding……..
接左個job，今晚要入康州賭場做個奧運show，又要放低兩父子。
Sam豬呢期咁癲，希望今晚唔會搞到Sam爸發爛渣！
有時會好衰咁覺得，如果無Sam豬，可能無咁多責任。遇上好似今日呢D job，又有免費房，最好就係同Sam爸去玩返晚！
聽日朋友有party，不過因為上次去完佢度，佢隻狗(10幾歲)之後發左癲咁响屋企亂尿，Sam豬被列入不受邀請/歡迎名單！所以基於無人睇仔，我地又無得去啦… 
正當張家上下努力慳錢之際，Sam媽想使錢！
我想換電話…
一直都仲用緊呢部，開始short short地，係時候要換
我好鐘意呢部，至愛的紫色！
個問題黎啦，買佢定買生滋蘋果好呢？
我自己部ipod死左10世，一路都偷用Sam爸部nano。最近，nano都開始有D 死死地，屋企又有好多劇未有時間睇，好似整部itouch好D
。 itouch 會無會好快淘汰丫拿?
但又要買電話的時候，會無會直接買部生滋好D呢？不過月費又喪貴，起碼US80一個月！
好煩！！！
雖然未會有婚禮, 不過… 下個星期會簽紙, 正式做張太啦~ 