Category Archives: 愛 | Self

基本上女人要調節心理狀態0既時候，shopping 係最好不過0既良藥。

只係，養左狗之後，進攻0既目標大概都只在傻狗身上 (狗奴才! 可悲 )

6 MONTH Frontline PLUS
$74.99 
spring time啦，最貴的expense!!

Premier Busy Buddy Twist N' Treat
$6.99 
俾D mental exercise 佢!

Four Paws Antiseptic Quick Blood Stopper
$4.99 
雖然平時都唔多使幫SamSam剪指甲，但都in case 有咩損傷買定無壞!

Premier 1 in x 6 ft Leash
$3.95 
見佢平平地，買多條看門口~

Chuckit! Plush Ball
$6.8 –> $2.8 
買0既係波波型，諗住一向佢D product 料都唔錯，減價買隻俾傻Sam，點知都只係20分鐘就收左皮!!!

Class Red Kong
$8.5 –> $4.5 
一向出門口前都習慣俾Kong，等SamSam唔好望住我地出門，見平，買多隻而已

Kong Platy Duck Dog Toy
$4.99 –> $0.61
完全係貪佢平，又橫掂都要俾shipping，預左KO時間係10分鐘! 不過呢隻野，呢個價就算即刻KO 都買得過，另外送多隻squeeker wor!

 
Chuckit! Amphibious Flying Ring
$12.99 –> $6.45
之前0個隻玩爛左~

終於買返呢堆係自己0既~

L'EGERE SPF 34 UV White Blemish Balm Cream and Aqua Shiny Pearl BB
Powder Set
$19.99
天心limited edition wor，見到個個都話BB cream得，買黎試下，都幾ok 0既。不過因為我皮膚係爆乾，所以唔算夠水~

Beauty Hair Volume Liquid Wax (For Short Hair)
$18.99
我D 頭髮屬於超薄勁細類，呢隻野係"女人我最大"強烈推介0既。用處係噴左之後，D 頭髮會增加volume感，我覺得係得0既，D 頭髮用左之後係無咁榻!!

DHC Make Off Sheet Our Price: USD
$7.50
買定去旅行!

Kevin Beautymaker Acne Treatment Gel
$14.5 –> $9.99
用左一次咋，D 瘡瘡真係無咁痛，扁返落去!!!
同埋我好鐘意佢個design，好似唇膏咁推D liquid出黎~

Kangaroo Keeper
$19.99
睇見Mui 推介，我又走左去買，等緊ship黎…

越窮越要買，女人呀~~~~~~~~~~~~~~~~~~~~

一向都知道自己身體唔好，不過無想過咁差…

條腰骨/脊骨開始好返D，不過都定時一個星期睇2 次chiropractor。之前一個星期睇3 次，所以而家叫做減左0架啦，而且最近阿醫生仲俾我其中一日做massage therapy!

另外隻手… 有排搞。其實幾年前都睇過物理治療架啦，但係唔見好轉，睇左幾次就無再去。

而家睇緊0既clinic 都睇到第二個治療師先叫左搵0岩，因為佢話之前咁多個物理治療師都淨係著重要我做運動係錯0既，我D 肌肉已經tense 左好耐，一定要鬆返晒先可以再以運動去build up 返D 肌肉力量。所有0既運動都只會令我0既情況加劇，而唔會令我有好轉。所以一直佢都幫我放鬆緊D 肌肉 ，係有用架，我真係覺得好左。但係long way to go!!

不過… 因為呢度D 醫生醫完一度先會醫另一度，我隻tennis elbow 就只有繼續由佢痛落去~~~~ 而家平時就帶住隻咁0既野去幫我support 隻手同令我做野0個陣隻手無咁痛:

尋日拎左上年roll over 最後一日0既假去body check。

以前0個個醫生真係好鬼麻麻，所以轉左個friend 介紹0既，真係幾唔錯架。

不過佢D 說話都幾嚇人，話說Sam媽條頸有粒淋巴顆，要小心D，如果發大左就要即刻做化驗，因為cancer 0既前期就係咁架啦但係我一直都未有0既，就唔需要咁擔心住。

跟住佢話我血壓超低，驚我低血糖，要我減澱粉質… 否則好容易有糖尿病wor~ 同埋叫我最好買部血壓機，日日睇住自己D 血壓… 因為最驚我會係敗血症(base on 我之前入院0既原因)! 我會等佢個report 出黎先決定有無呢個需要~

阿醫生又敲我肚皮，佢話我大腸有氣(?)，應該消化唔好，呢個真呀！睇佢之前，我去左睇中醫，中醫都係話我消化唔好，循環系統麻麻地

我問阿醫生，我唔飲得奶，會唔會唔夠鈣? 醫生話，其實呢幾年0既研究報告指出，奶其實係對我地身體唔好架，我飲唔到唔係壞事。我地應該均衡飲食，响其他食物度攝取鈣，同埋我應該做多D 帶氧運動，曬多D 太陽~

跟住做左個心電圖，非常正常! (好彩) 只是… 貼上0個D 貼紙，令我想起入院之後，成個月都仲有0既0個D 心電圖貼印

下個星期睇報告，其實，我而家已經擔心緊仲會有D 咩問題會出現。之前幾年個爛鬼醫生都話我個report 好好，希望係真

但由今個星期開始我就會食中藥調理身體… BOY 爸我信你架，你話我好快就會好架

(p.s. 原來敗血症會好容易死… 一般黎講，好少young 0既人會有，但係我之前入院0既所有症狀黎講，都直指"敗血症")

張氏一家祝大家虎年行大運，身壯力建，心想事成，恭喜恭喜~

(個細路個樣幾唔滿意!!! 個bandana 係Sam爸之前去disney 出差買架，Sam媽貪佢紅襠襠，夠應節! )

適逢初一夾情人節，我地又唔去拜年，夜晚晌屋企搞掂~

中西合璧!
Garlic bread, 牛扒，crab cake 加冬菇鮑螺生菜脯。

有人流晒口水~~~~~~~~~~~

兩個懶人，一心買人家Whole Foods 已經marinated 好0既牛扒，唔使自己整。點知頼野，勁鹹!!!
出曬事…………….

crab cake 又係… 味道ok，可惜D texture 真係… 唉!

最得反而係個中囯菜!
Sam媽都係第一次整… 其實係食X食著豆，買左罐好野，罐鮑螺$4咋!
跟住mix 埋其他野，得左!!

新年已經買左好多花，情人節要左紫色鬱金香做禮物，應下節

3 年前和Sam爸剛搬出來，曾經被Sam公Sam婆大力反對，更加越洋向親戚投訴。(也許是因為Sam媽是獨女啦!)

結果因為搬的地方只需要開車10 分鐘就到，一個星期Sam媽也會回家3，4次吃晚飯，慢慢地… Sam公Sam婆接受了。

到後來因為Sam爸工作關係，在搬離開第一個家時，Sam媽淚水忍不住…
– 要搬離第一個家，裡面擁有好多"第一次"的回憶
– 沒有這個家，沒有結婚的念頭
– 終於要離開爸媽遠一點了，接下來，真正要自己打理所有事情了~

現在再搬，現住的地方也擁有很多回憶，最大的事情是，我們結婚了~

再者，回憶裡不止Sam爸Sam媽了，還有SamSam!
– 還記得SamSam第一次回家在地板上跌跌砰砰，記得他的傻瓜樣子，記得買給他的消防車地毯

– SamSam在家第二日，Sam媽發矛地尋仔，結果在廁所門後，熱水管跟門之間的空隙找到他

– 渡過了2次生日~

還有很多很多，所有的事情好像昨天才發生…

p.s. 還有3 日就搬了，東西好像沒有pack 過一樣，看見就令人頭痛!!!

又係返工呻呻時間…

同group的臨時工終於轉左做full time designer，以前唔多出聲辯駁的他開始”嘴dell dell”。

平時好多project 我地都各顧各，大家唔會知道大家做緊乜，因為個低能亞head 唔會講。

呢排有個比較多item 0既project 做緊，幾乎日日印度0個邊都有野要加落0黎緊0既一個會議。

個project 屬於新仔，所以我一直都唔知道實際有幾多野整左。不過就知道我地已經create 左n 咁多野。

今日無啦啦我拎印野0個陣見到新仔又印左野，見佢未拎，幫佢拎啦。結果見到個公司logo 顏色有問題，咪同佢講囉。

Me: 點解個logo D 色咁怪架?
Him: 我响Word度整呱.. 用GIF
Me: 你用4 色定2 色file?
Him: 2色
Me: 你開晒兩個file 0黎睇下

File 開左…

Me: 你睇唔睇到2 個file D 色有幾唔同呀?
Him: 有呀
Me: 咁點解你用2 色呀?
Him: 因為要印囉

結果我就長篇大論地解釋… 話佢知我地而家所有野都係用4色出，就算拎野出去俾印刷廠印，人地都會要4 色file。

佢同我袎: 個個都用pantone number 架啦，梗係要用2色，邊會用4色。

Me: 個問題係你用2色都depands on 你用咩material啦… 印落唔同material，就算同number，出0黎D 色都會唔同。加上而家我地呢份野响inhouse 印，基本所有公司機都係4 色出，有咩理由用2色?

佢就繼續撐number 個point。

哥仔，我而家袋錢落你袋呀，仲袎???

我都費事同佢解釋，淨係問佢: 咁你其他item D logo 用4 色定2 色呀?
Him: 4色
Me: 咁你呢個零零舍舍用2 色，同其他野D 色唔match，得唔得呀?
Him: 咁個D 唔係print 呀嘛
Me: (火都黎埋) C 但你啦，你問下亞head 啦。

結果，佢死死地氣走去轉。
俾完份print job 俾亞head 睇，亞head 問佢: 咦，你轉左個logo呀?

頂，亞head 咪就係依然咁低能，發現唔到新仔一直用錯logo!!

大佬呀，所有野都應該match 色架啦，第一日做design呀?

就算係新人呀，你都應該有common sense知道D 野要統一架啦，係咪呀?

最慘係上面0個個都無common sense 0個下慘…

救命呀~~~~~~~~~~~~~~~~~