2個星期，話咁快就過
，我地番0左米國啦~~
次次番去都超忙，無咩邊次可以見晒要見0既人，响度同大家講聲sorry!!!!
今次行程大約係…. 香港 –> 廣州 –> 香港 –> 曼谷 –> 香港
因為幫兔仔小姐買0左ipad2，所以佢0黎接機(好明顯係為佢部機
)，仲係都要帶埋miffy 同SamSamSam影合照!!
其實今次旅行無影太多相，因為天氣甚熱，甚麼都唔太想做
~~~ 包括影相!!!
因為尋晚先落機，而家jetlag 緊
，俾幾日時間我，會盡快寫blog!!
而家，繼續放蚊~~~~~~~
唔聲唔聲, 我們番左香港~
早排某日放工行過Penn Station，有人派freebie，Philadelphia Cooking Cream
於是整個簡單意粉…
材料:
意粉半盒
– 雞脾肉
– 洋蔥
– bacon
– 白草菇
所有材料切粒
做法:
1. 雞脾肉，落油，鹽同basil 腌15分鐘。
2. 意粉按盒上指示整熟，隔水
2. 落extra virgin olive oil 起鑊，用洋蔥和bacon炒'林'，再落雞脾肉和白草菇
3. 雞脾肉轉色後，落意粉…
4. 落鹽和Philadelphia Cooking Cream一盒 (10oz)
5. Mix 均勻，上碟~
呢隻cooking cream味道唔錯，唯一有個問題煮的時候，要落多少少水，同埋一煮好就要遠離爐火，快D 食，唔係好容易就乾到一pat pat ~~~
偷偷話你知呀，Sam媽其實係"飯筒"來，不太愛面類，不過近期實在太忙碌，意粉最緊要係夠~ 快!!!
自己有頭家之後，Sam媽搖身一變，成為師奶仔一個。
平時一個星期總會用個零鐘頭時間，去研究一下Weekly Circular
，睇下0黎緊有咩做特價，做定功課，禮拜尾就去入貨。
同時，亦subscribe 好多減價網頁，有平就掃。上網買野前又一定會check 下google 下，睇下有無coupon 先。
電視台TLC，呢個季度有個新節目，叫Extreme Couponing。
成日都唔記得睇，終於尋晚睇左一集，原來有人真係咁EXTREME囉。
其中有個係一日响屋企附近行2 個去收集coupon，甚至有店長會留起俾佢。
又有一個一買就買成百幾，甚至千幾樣同一款的東西。
然後，望住佢地俾錢0既時候，買0既野幾百蚊甚至幾千蚊，因為用coupon，變到只需俾1 折的價錢，可能只係幾蚊…. 真係眼都凸埋!!!
當然，要做到咁extreme，其實都要做好多功課，收集coupon，剪coupon，等等的功夫不能少~
突然想起"依家有喜"裡面的施Auntie!!
不過，睇佢地買一大堆野番屋企，又要搵地方放，又要小心幾時會過期唔用的，都真係幾頭痕…
踏入春季，進入雨水天，Sam媽最討厭的日子!!!!
一年四季，最討厭就是落雨的時候，反正就是討厭，整個人都唔想郁，甚麼都唔想做。
Sam爸成日笑我: 又摺埋~~~
Yup, totally shut down!!!!
現在有埋呢隻小鬼，更加討厭雨天，因為要不停幫佢乾身!!!
出完去，就係一隻落湯雞樣…..
有時玩完波波，仲會一身臭草味，要沖埋涼先得…
吹毛中，你睇下佢0個衰樣，極度唔願意!!
每次同佢吹毛，都會困獸鬥…
即係關埋廁所門，就我兩個，咁就唔怕佢走左去啦~~~
衰到佢攝埋個頭去門角，避吹風機… 會唔會窒息架??????
最慘係，Sam媽一支公搞掂晒，搞完一輪，散晒~~~~
一個星期起碼有兩晚係咁，搞掂晒先可以煮飯，人都癲!!!
