响美國Golden Retriever Forum 裡面，D 人成日都講佢地隻狗會有Zoomies Moment，Sam媽都Post 過一次 (跳跳跳, 我係鐘意跳!)。
但係我都呢一刻都唔明，究竟係咪淨係金毛會咁? 好似好少聽到香港金毛主講呢樣野… 又或者其他狗主話有呢個行為?!
同埋呢，個Forum D 人覺得好得意，Sam媽就唔係咁覺得啦… Sam一黎料就麻煩~
好似尋晚咁，夜晚11點幾係咁由廳張沙發跳落地，再發力跑匀全屋，望住Sam爸再吠兩聲，好似撩佢捉咁! 死人美國佬D 木地板又唔隔聲，樓下真係多得我地唔少!!
呢D 情況我地通常都蹺埋手，由佢癲，因為截佢會吠得仲勁…
不過望住個傻仔係咁跑，好好笑~
冬天來啦，如果下雪，Sam豬會唔會好似呢隻狗狗咁呢?
香港冇呢個原因係多數屋企都冇咁大地方比佢地……..但我其中有一個客間屋可以比佢隻金毛做sam sam同一樣既行為…….仲要係衝來撞人……..
[版主回覆10/03/2008 22:10:00]Sam唔會撞人，會跳起咬人
sam豬似乎仲係好精力旺盛…不過，見到佢天真無邪個樣，相信都冧返你了
金毛係咁架, 不過我唔係日日walk dog嘅人, 但weekend就會同佢地去游水跑山, 咁都ok架.
我都拖唔住兩個仔, 單拖唔掂, 一齊更加唔水諗, 不過我用choke chain會好d, 一收繩, 佢地都自動自覺會停, 不過出街都試過我同人講緊野, max少想追狗, 就咁我就扒街啦.
不過諗起佢帶俾我嘅樂趣, 仲有逼我去做下運動, 身體都好左, 人生真係因佢地而豐盛左架.