Sam媽老死Y定婚了，只是2個星期的熱情，婚前恐懼就出現
話説，老死Y的未婚夫係巴基斯坦人，衰格的Sam媽一早就唔太睇好呢段異族情緣
，不過Y愛情至上，作爲best friend都唔好講太多，佢開心就算。
Y 的妹妹去年結咗婚，係美國人，所以相對來說，Y 家裡對於異族婚姻問題不大。
不過，Y 的未婚夫屬於伊斯蘭教，家裡一向希望佢娶同教的，又因爲佢係大仔，問題似乎比較麻煩….
一直Y未婚夫的媽媽都不太給好面色，Y就知道，要結婚，人媽的一關不會容易。
至於人爸，似乎還算可以接受異族的Y。直到……. 他倆宣佈要結婚!
人爸說，因為Y 不是伊斯蘭教，就算結婚，都不會被神保佑，與其結左唔好0既，Y需要"Convert" 入教!!!!!!
Y 一向都係烈女，打死不從，Y的未婚夫也不贊成。
現在的情況是膠著，Y發晦氣說唔要婚禮!
Sam媽就梗係唔贊成啦，一生人一次，以後佢一定會後悔… 加上我認識佢咁多年，點會唔清楚佢脾性呀~~~
我就建議，不如大家兩方面的傳統都唔好做，直接美式！
Y 又唔肯wor，佢係都要做齊過大禮，出門同裙褂。
真係估佢唔到，明明係蒸生瓜，居然要做齊呢D 傳統野，反而Sam媽自己一件都無做!
現在唯有希望佢兩個可以傾得掂，搞得掂係啦~~~
另外一個朋友A，都搞緊結婚，聽說也有一場大龍鳳發生左….
A和G 經歷過好多風浪，從high school 開始，離合過幾次，十多年了，終於要修成正果。
多年以來，G 媽也係唔多喜歡A，以為結婚G媽會係最大阻力，點知…
聽講 (Y的八卦
) A媽知道佢地要結婚，發了一大輪脾氣，說G 沒有"Ask for permission"，無同佢地溝通。咁如無意外，都應該同禮金之類扯上關係。
A 無奈地同Y 講，A媽足足指著G 鬧0左30 分鐘!!
之後一大堆要求，要這樣要那樣的，聽見就頭痛!!!
最後我想講…. 我好幸運呀!!!!
當初結婚，所有野我都可以自己話事，雙方家長又由得我地。
Sam爸沒有"Ask For Permission"… Sam婆沒有買龍鳳鐲…
繁複的傳統，基本上無做過，唯一就只有斟茶~~
簡單又難忘的婚禮，沒有港式的做show feel
正在計劃結婚的朋友們，加油呀!!!
With different culture, there is an added complicity. the concept of 門當户對 also exists in Western culture studied in sociology. Without common background it is harder to understand each other as language is context sensitive.
[版主回覆04/07/2011 22:55:00]唉，真係只可以默默祝福佢兩個啦
唔太睇好呢段異族情
兩個人結婚本來係件開心事，但要兩家人都夾得埋，真係講運氣，祝你朋友好運啦!
其實我覺得, 唔同 culture 都 fall in love … 排除萭難都要結婚… 更加 show 到是真愛啊. 而家要結婚的…選擇跟誰過下半生的又不是他們… 唔明白點解有啲家長要諸事為難.