自從SamSam响寄養返黎之後，Sam媽覺得佢有D 唔同左…
星期二晚，Sam爸响樓下接返傻Sam，Sam媽煮飯，但係都有响個窗度裝下…
傻Sam見到Sam爸好興奮，係咁想撲，不過寄養Mom扯住佢要佢Sit。呢個係寄養家庭加分位，起碼我知道佢地會教狗先！
Sam爸同Sam豬行左個圈pee埋先返上樓，Sam豬見到Sam媽係咁fing尾，不過又唔係勁興奮0個種~
唔知係咪玩左4 日太累，成晚佢都好似唔想郁咁!
星期三朝早起身，SamSam無再好似以前咁fing尾走黎我面前，淨係攤左响佢張地毯度望望我就算。我行埋去，佢都無多理我。我摸佢，佢先fing尾望我…
阿仔，你在怪媽咪呀??
放工返屋企，Sam豬又係一pat 野咁攤响個籠度… 想點呀?
好彩帶佢出去玩，佢都仲肯跑，如果唔係我會以為佢病病!
不過呢兩日成日都見到傻Sam呆呆地，目光好似無焦點咁，究竟佢係未累完，定係唔開心呢?
仲有一個問題… 帶SamSam出街，條友仔好似唔記得點行咁，勁扯繩, 衰過之前!!!
好難想像3個星期以後佢仲會記得D咩…
由於Sam爸個胃仲係隱隱作痛，所以最後一日朝早都係响泳池邊Hea到夠鐘走為止。
其他朋友就去左沙灘，以下D 相係偷返黎~
天朗氣清加細沙，prefect! 
好想買呢D 貝殼，不過無去到，其他地方又見唔到，what a waste!!
基本上我地成個行程都係响酒店多，因為覺得出邊好似好得人驚咁
但係都幾好呀，終於可以抖抖~
下次仲黎唔黎? 未必… 因為D 野唔係咁好食
題外話:
今次Sam媽係咪update 得好快呢?
因為如果唔拿拿聲寫左先，就好有機會好似日本之旅咁，唔知幾時先寫完!! 
唔知Sam爸係咪之前一晚溝酒飲得利害，第三日晨咁早就胃痛!
幫佢問櫃台要左D 藥，食左佢就訓返。
我就成個人醒晒，帶齊野又去左泳池邊攤~
Hea 左半個鐘度，班朋友出現問去唔去浮潛，無咩做，去!
$2.5 租對潛水鞋，另外$2.5租潛水鏡，連救生衣到晚上6點，抵~
臨落水… 一班人响池邊歡呼, 咩事??
啊! 海豚呀~~~
海洋公園海豚見得多，野生响大海游0既第一次見!!
睇左陣，繼續向浮潛出發~
我第一次係Sam爸唔响身邊浮潛，我又唔識游水，其實都幾勇
D 水好清，珊瑚靚靚，不過唔多魚。
最勁係新娘個Daddy，唔使救生衣同潛水鞋，撩我地游! 我地一班’打壞’後生，死要面，一於死跟。結果Sam媽游到最後有腳抽筋情況出現，不過死都無出過聲!!
浮潛完，睇下Sam爸點… 好返好多囉wor，食個午餐出去睇下野~
我地叫車去左一個叫做Rick’s Cafe 0既地方，呢度係跳崕勝地，好多人都會試下由起碼3, 4 層樓咁高跳水0既滋味!
人地跳…
阿uncle 又走左去跳! 結果，新郎唯有跟埋去~
死未!
(Uncle 岸邊試跳中…)
之後下雨，打道回府~
第一晚好累, 當地時間9 點幾就訓左…
第朝8點幾起身, 食番個早餐先~
個餐廳景係超靚的~
d 水清到呢!!!
食飽, 曬個太陽~
譚貫A 式曬腳~~
對住個海, 冇得彈!
個婚禮下午4 點開始, 呢個係行完禮後影…
個婚禮好多感動位, 大家都盡慶而歸, 晌正泳池邊, 新郎即使醉到行唔到, 最終都係難逃俾掟落水~ 
—
更新
追加婚禮相, 但係由於唔想太暴光朋友個樣, 只可以放幾張~
一對新人
海邊晚宴
餐檯擺設
小禮物: 加勒比海咖啡
日落後，晚宴正式開始…
傻瓜機影得唔好，無相分享~
究竟Sam爸Sam媽去左邊?
答案係: 牙買加 JAMAICA!
有朋友晌呢度搞婚禮, 所以一於當放假~
紐約出發, 4 個鐘頭機, 坐American Airline, 成程都冇野食, 餓到兩條友癲左!!!
飛機上影古巴
古巴海岸腺
牙買加d 海關態度麻麻, 做野又慢~
攪左一輪, 6 條友終於攪掂….
機場接駁van, 要坐1.5 個鐘先到酒店
簡直係晴天霹靂!
因為Arrival 竟然係冇野食賣!!!
Sam媽見唔係路, 問同行零食怪’手羅’ 零食, 希望可以頂到…
點知零食怪竟然冇零食, 得幾顆橡皮糖…
殺你!!!!
話說Sam媽同零食怪hea 緊時, 機場接駁van 櫃台個姐姐係咁Excuse Me, 因為係對新人包左車, 我估櫃台見我地一行中國人, 知道係要接我地~
我餓到癲, 冇理!
有個丫毛走埋黎, 勁大力咁拍我手, 話我知, “喂, 叫你丫”
咁又點, 肚餓大過天!!!!
擾攘一輪, 都係餓住上車…
好大陸feel…
唯一見到0既頭頂貨婦人!
塞車中…
小插曲:
部車行過Downtown, 有個細路, 大概10歲到, 走埋我窗邊 (關左), 一野水撥埋黎, 嚇到我跳左跳… 跟住佢’手羅’ 個抹玻璃野出黎抹我隻窗, 係咁易兩下, 攤大手問我’手羅’錢… 傻架? 部車都唔係我0既!!!
見我唔理佢, 佢又走去另一邊, 對零食怪做同一樣野… 零食怪0既反應同我一模一樣: 嚇親, 講: “傻架? 部車都唔係我0既!!!”