今日又帶Sam豬睇Vet, 本來淨係要打狗房咳針, 結果攪多好多野, 埋單又$170!
– 打狗房咳針
– 抽血驗心絲蟲
– 買6 個月心絲蟲藥
– 買藥膏 (唔知點解SamSam 個面度有躂野, 佢又唔係成日'au', 但係就好明顯d 皮膚有d 野)
獸醫話Sam豬有d underweight, 要食多d 野
Sam爸一聽到就喪開心, 因為佢成日覺得Sam媽俾太少野隻仔食
但係幾個星期前去睇另一個獸醫又明明話Sam豬FIT, 仲話我地養得好, 咁點先, 信邊個好??
Sam豬而家8 個月2個星期, 49磅, underweight 定fit?
講真, 我寧願佢瘦好過肥囉, 同埋而家可以俾多d 零食佢, 唔使就住就住咪仲好~
狗會行會走唔奇怪，但係好似佢咁得返兩隻後腳，依然生命力頑強地生活下去，主人又對佢不離不棄，唔係經常會見到。
警告!
短片內容可能會引起觀眾不安, 敬請留意!!!
仲有一個月多D 就會係第一場大龍鳳, 不過返到去先買衫, 未知著旗袍好定晚裝好…
呢個無得煩住, 但係個頭就要準備一下, 睇下有咩IDEA。
一路睇, 一路眼凸…
乜D 髮型咁複雜架?
可唔可以有D 簡單D 呢????
响美國Golden Retriever Forum 裡面，D 人成日都講佢地隻狗會有Zoomies Moment，Sam媽都Post 過一次 (跳跳跳, 我係鐘意跳!)。
但係我都呢一刻都唔明，究竟係咪淨係金毛會咁? 好似好少聽到香港金毛主講呢樣野… 又或者其他狗主話有呢個行為?!
同埋呢，個Forum D 人覺得好得意，Sam媽就唔係咁覺得啦… Sam一黎料就麻煩~
好似尋晚咁，夜晚11點幾係咁由廳張沙發跳落地，再發力跑匀全屋，望住Sam爸再吠兩聲，好似撩佢捉咁! 死人美國佬D 木地板又唔隔聲，樓下真係多得我地唔少!!
呢D 情況我地通常都蹺埋手，由佢癲，因為截佢會吠得仲勁…
不過望住個傻仔係咁跑，好好笑~
冬天來啦，如果下雪，Sam豬會唔會好似呢隻狗狗咁呢?
睇左Mack Sir 最新Blog Entry, 養狗狗要量力而為, 有感而發: 我同SamSam係咪資源錯配?
Sam媽係手無搏雞之力0既典型女士, SamSma係一隻衝鋒型活躍puppy, Sam媽根本好難駕馭。
Sam媽唔係屬於戶外型, 但Sam係要不停出街…
望住俾狗繩界到起繭的雙手，被扯到又紅又腫的手脾，仲有choke 到發炎的雙肩，Sam媽傷心無奈之餘問自己:
我地係咪資源錯配?
我仲可以捱幾耐?
p.s. Sam爸話我寫親都係Sam D衰野，咁事實佢真係曳wor，你想到佢0既好野，請寫！
更新:
尋日改左路線，行少左，玩多左fetch。一晚落黎，sam sam 扯繩情況淨係响夜晚發生，而且淨係發生左一次。响小路行完全問題不大，但一行出大路就出事啦。最驚險係Sam爸打電話俾我，衰仔突然發力向對面馬路衝。當時超多車，嚇死我!
經過呢次教訓，我在想… 令Sam發癲扯繩原因會唔會係因為夜晚D 車燈??