最近睇左好多Blog都講關於狗狗被歧視問題，今日响uwants 又睇到呢個題目:
http://www4.uwants.com/viewthread.php?tid=6372076&extra=page%3D3
好多人都以為响外國住D 人就會唔會歧視，其實只是機會少D。
狗主的公民意識來講，唔執狗C 的人响美國大有人在，Sam媽都成日中地雷!
3 樓有隻西施，成日見到Sam都發左癲咁吠，Sam通常都唔理佢。個兩個主人見隻狗一發癲就會抱起佢，好彩佢地唔歧視我隻狗，但係咁做隻狗又點學到野呀…
附近好多細狗，唔少主人見到我同Sam豬都會避開行過對面馬路… 一來佢地覺得Sam豬會咬佢地D 狗，二來佢地D 狗見到Sam豬就會係咁吠，三來Sam豬一埋身就唔係同狗玩而係要痴個主人… 隻豬鐘意人多過狗~
到而家我Sam豬最需要學的係唔好跳上人身… 出街一見到熟人就點拖都拖唔住，我拖實佢埋唔到人身，佢就會係咁吠… 其他人見到又點會唔驚大狗呀…
睇來仲有漫長的訓練日子佢先會學得識
條PK老頂又黎啦…
以下十八禁!
.
.
.
.
.
.
.
.
.
.
.
.
.
.
.
.
杏加橙!!!
做乜成X日將我D project 俾個temp 做?
使唔使俾X埋我份糧佢，踢X埋我出局呀?!
P你個K，唔係technical 0既野都唔輪到我做!
咁Q 叻，其他野個temp 都做緊架啦，俾埋D 韓文日文條友啦，我睇你點做!!
唔夠0既俾埋撇flash card 佢啦!!!
次次都係佢做唔掂先碇俾我，點解唔一開始就俾我做?
我做開0既又要俾佢… 平時D creative 都已經佢做晒，即係你buy 佢D design 多過我啦，咁炒我啦!
%^&#^(&#@)_*)…
下刪一萬字…………………
唔記得尋日係重陽, 出事啦!
無打到電話俾阿婆… 佢生日呀…
今晚要記得記得記得記得記得記得記得記得記得記得記得記得記得記得
Sam爸呢排都仲係Busy Season, 但係都抽時間車Sam媽同Sam豬去狗公園。
星期日又去左啦~ 今次去左Brooklyn，第二次黎呢個公園。
識到對姐弟，大概讀中學同大學樣，佢地個故仔都幾搞野: 話說家姐想要隻金毛，點知個Breeder 講大話，狗狗越大越似拉布拉多! 拉拉都好呀，不過我睇過狗狗條利呢，係有斑點架，拉拉好似無… 即係話，隻狗狗係拉拉同唔知咩狗mix! 好彩，佢地唔介意，對狗狗(Koey) 好好。但係見到SamSam就係咁抽水囉~
另外見到好多平時少見的品種，例如: 聖班納，Grey Hound，柴犬，仲有兩隻HUSKY!!!
可惜Sam豬又俾人搞囉…
有隻5個月大0既鬥牛梗(Pit bull)，玩得好狼死。本來SamSam 同Koey 玩緊，隻pit 又走埋來，仲同Koey玩到E 牙。兩個主人拉開之後，隻Pit 就追住Sam豬，又係咁攻擊佢條頸同耳仔! 唔係玩0個種，係真係發左癲咁。Sam豬响屋企就大晒，出街就係綿羊！Sam媽怕Pit，嚇到企响一邊唔知點好。
有個伯伯扯開兩隻狗，攬實Sam豬，仲話個Pit 主人有無搞錯，咁都唔過來扯住佢隻狗(兩個主人坐响10步而內)! 個女主人先走埋來，唔出聲，拉開隻狗。
Sam豬唔知係驚左，定之前跑得太勁，之後一直淨係坐响我腳邊。直到Sam爸過來接我地，佢先跟住Sam爸行左個圈(Sam爸去抽Husky 水)
Sam媽真係無鬼用…
