中秋去左費城做野, 晌街到見到呢位亞叔…
佢d 坐法真係'冇得頂'…不得不偷拍佢一下~
中秋去左費城做野, 晌街到見到呢位亞叔…
佢d 坐法真係'冇得頂'…不得不偷拍佢一下~
呢個星期朝早起身同SamSam去廁所,一出門就感受到絲絲寒意…
夏天要走了嗎? 我還未去過海灘…
Sam媽最怕冷,所以最討厭冬天。
問題來啦…
1. 如果落雪,點帶SamSam出街行呢?
2. 唔夠運動量,做D 乜可以响室內都發泄到SamSam D 精力呢?
3. 好唔好買衫衫俾SamSam著呢… 但佢連自己條Harness 都仲咬既時候,衫衫一定都會好快收工…
冬天….. 請你不要來!!!!!!!!!!
尋晚睇奧運,女子高低槓項目,一路睇,一路聽NBC班粉人講Liukin點好點好。
到分數出來,何可欣同Liukin同分,就係到講唔公平,都同分啦,點解仲要分金銀,唔可以一齊都係金!
自己都識講國際體操協會有個rule,如果同分就要計到低,睇下邊個項目細節扣得少就冠軍。
計完又話人唔應該咁計,又話裁判偏幫,仲大大聲話所有計分既裁判自己個國家都未拎奧運奬牌。(算唔算人生攻擊??)
人地就係唔想有偏差先會有呢條rule,你幾不忿都要接受!
睇yahoo評論,又話D 裁判因為响中國比賽,所以受到現場氣氛所影響,手鬆D,程菲跳鞍馬落地屈膝有15分,又話唔應該有咁高… blah blah blah blah blah
那聲… 美國咁勁,使咩參加奧運呀,你都叻晒啦,仲使咩比0者!
未試過睇奧運睇到咁慶!!!
禮拜尾去左睇廣州之光(張敬軒)個演唱會, 發覺真係開始老, 挨一晚夜好似死左咁
本來想買最貴飛, 不過個friend 話個場好細, 最平都已經好夠~ 計下條數, 軒仔加傅穎, 都係cheap cheap 地算啦.
去到覺得自己做左個明智之舉! 平時d 演唱會起碼2 個鐘, 呢個夠膽死得1.5 個鐘 (都唔知有冇!) 都算啦, 傅小姐做嘉賓都唱6,7 首歌, 仲要一句都聽唔明白!!! Sam爸同d friend iphone 上網睇歌詞, 死未!!! 再加埋佢夾硬"煉"聲扮可愛… OH MY GOD!!!
講返張敬軒, 3 個字, 無得彈! 果然係廣州之光!!!
另外, 我未試過睇演唱會係一開show, d 人就衝晒去前面block 住晒d 通道, 跟住d 實Q 係無能為力地叫人唔好再衝~
睇完show, 晌場外企等人, 有個… 點形容佢好呢….. 呢位男士晌各種唔同既function 都會出現, 要求合照, 係死lur 個d. 講真, 做緊野就無辦法, 身份黎計, 點都唔可以唔理佢, 但係都會避得就避. 尋日又見到佢, 嘩, 即刻狂避, 唔要有眼神接觸! 不過… 避無可避, 佢埋身問認唔認得佢 我唔係做緊野, 梗係彩佢都有味, "對唔住, 我唔識你!"轉身走人….
接左個job,今晚要入康州賭場做個奧運show,又要放低兩父子。
Sam豬呢期咁癲,希望今晚唔會搞到Sam爸發爛渣!
有時會好衰咁覺得,如果無Sam豬,可能無咁多責任。遇上好似今日呢D job,又有免費房,最好就係同Sam爸去玩返晚!
聽日朋友有party,不過因為上次去完佢度,佢隻狗(10幾歲)之後發左癲咁响屋企亂尿,Sam豬被列入不受邀請/歡迎名單!所以基於無人睇仔,我地又無得去啦…