Category Archives: 廢肺吠

小時候的廣州花市沒有現在的好逛, 只是把一條最繁忙最多人經過的大街搭起棚架, 大概有十日左右可以行花市!

而我住的地方離花市只有200百米左右, 所以幾乎晚晚吃飽飯便會散步花市去~

記得, 當氫氣球還是很貴又不是周圍都有的時候, 試過跟爸爸無牌擺檔!

那時候的氣球是用氣bump 以手力打氣, 再把氣球紮在膠圈, 再用膠棍篤起…

爸爸有個好得意的氣bump, 本來用作單車打氣, 用腳踏, 更會有好大聲的怪叫!

不過, 這個氣bump 成為了我們的賣點! 因為打氣比別人快, 而且怪叫聲更會令人好奇!!

當然, 因為無牌擺賣, 總會讓人妒忌, 更會惹來管理人員~ 所以每次我們都只會擺兩三個小時

過了很多年, 終於幾年前再回到廣州過年時, 再玩過一次年宵擺賣.
這次是有牌的!!! heeeheee…

因為表姐的朋友投得一個攤位, 見我又有興趣, 於是在年三十晚團年後, 殺到十多年我都未逛過的廣州花市!

好多人之餘, 還有好多兒時的記憶…
例如, 用風機做的棉花糖, 好像風琴的小燈籠~

我們一班表妹表弟幫表姐的朋友勁賣, 結果當然非常好!

不過都已經好多年前的事了, 紐約的農曆新年… 依然沒有把我最愛的年宵花市, 帶來最濃厚的過節感覺

睇到個主題, 係咪好驚呢?

哈哈, 我都可以正經架

最近突然好有感覺, 商業與創作這兩樣東西好像好難找到一個平衡點.

全因一句說話, 引發我寫這篇網誌.

有人跟我說, 因為我是讀商科出身, 所以整理文件比較有條理.

想一想, 好像以前真的不太會整理自己的東西 (當然, 經歷也幫了一把!)

但再想深一層, 因為讀了商科, 好多事情都變得有一個個框圍住, 每一樣事情都會先想到可行性. 到現在想在創作上有突破, 似乎都被以前想學的困住了, 好難有天馬行空的想法.

可惜, 天馬行空是創作的必需品.

又因為工作及客戶要求, 即使創作有創新idea, 好多時候都會被改得體無完膚, 失去原有的意思.

究竟, 商業與創作如何可以和平地共處?

話說, 親愛的老爸已經60 歲, 最近佢好努力學習, 學英文, 學電腦, 學聽mp3.

有時佢上網見到d 學英文的資料, 會下載到電腦再印出黎學. 但因為家中打印機正式壽終正寢, 老爸便需要我幫手在公司列印.

一直我都幫佢一手搞掂, 不過呢兩個星期, 佢話自己email 俾我. 之前一次試過得, 但之後幾次又send 唔到. 老人家學電腦, 真係要慢慢一步步寫低先會記得.

今日, 收到佢發的一封電郵, 主題係 ‘i love you’

睇到電郵一剎那, 好想喊.

大部份中國人都唔會將愛掛嘴邊, 父母級更加唔會.

雖然我知道老爸係試發電郵才send 出那封email, 我還是好有感觸, 好感動的…

講真, 我自己都無辦法對兩老說得出口, 但我真係好想說, 我愛你(們).

Facebook 紅透半邊天, 好多沒想到的人都有可能在這個網站上再見.
例如, 我就再見一位在高中時代好好的朋友.

曾經, 和另一位朋友, 一行3 人, 形影不離.
一起在警局做翻譯, 就算是義工一份都準時到達;
一起從A 院線偷走到B 院線, 為求多看幾套片;
一起shopping, 上學, 玩樂…

可惜, 人越大, 似乎越難守得住友情.
人與人之間的比較也漸漸打擊每一個成長中的你我…

高中畢業後, 你不找我, 我也不去聯絡你,
一切像來得自然, 卻又突然!

今天, 在Facebook 重遇你, 好想大聲說句,
朋友, 好久不見, 你好嗎?

呢日, 好朋友”易令”為就本人’懶’忙的時間, 專程帶我去過半日闊太生活,
仲要專登請假, 兼請客!
感動!!!

我地去左Four Season, 四季酒店high tea~
又唔係好貴, 2人套餐都係$350港幣
有名茶+靚糕點

我叫左荔枝綠茶, 都ok 好味
“易令”要Peppermint Leaves, 佢話唔錯
Tea time 3 點開始, 我地2:30 到左
個姐姐都好好人, serve 我地坐低先
因為早, 所以有窗口位!
張sofa 好好坐添~

有得食啦
呢碟係果醬同牛油咋

好典型的英式tea…
三層食物, 第一層有呢d
我最鍾意個朱古力小cake

第二層
本來得4 個muffin
左邊個d 呢, 係加架
好似係因為唔多人, 所以先有
waiter 會托住d 野,  行埋你張檯問你加唔加
“易令”話係得呢間係咁
正!!!

最下層, 小三文治
我鍾意個三文魚同蟹肉(右邊呢…)

好好味, 多謝”易令”!!!