正當張家上下努力慳錢之際，Sam媽想使錢！
我想換電話…
一直都仲用緊呢部，開始short short地，係時候要換
我好鐘意呢部，至愛的紫色！
個問題黎啦，買佢定買生滋蘋果好呢？
我自己部ipod死左10世，一路都偷用Sam爸部nano。最近，nano都開始有D 死死地，屋企又有好多劇未有時間睇，好似整部itouch好D
。 itouch 會無會好快淘汰丫拿?
但又要買電話的時候，會無會直接買部生滋好D呢？不過月費又喪貴，起碼US80一個月！
好煩！！！
雖然未會有婚禮, 不過… 下個星期會簽紙, 正式做張太啦~ 
繼Facebook偉大之處: 再遇你, 我又再見一位好耐好耐好耐都無消息的朋友.
其實大概幾個月前, 曾經見過佢家姐, 都有問過朋友AL的近況.
高中畢業後, 聽其他朋友提過AL 去左Navy.
美國未打伊拉克時, 沒有想過自己朋友會有份, 因為一直都覺得Navy 唔太需要做前腺工作.
見到AL 家姐的時候, 佢同我講話AL 去左伊拉克, 當時個心有d 沉左一下.
話晒以前同AL 都幾friend…
AL 家姐話, 因為Navy 唔准佢地同家人講, 所以佢地都係因為無左AL 消息, 又過左一段時間AL 自己寫信返先知. 真係嚇餐死!!!
AL 最近服完役, 唔使再去!
唔知佢點呢, 係時候同佢食餐飯, 傾下計啦…
早幾日抽起條根, 想飲星星咖啡…
買完返到公司, 覺得做乜隻杯好似咁輕既?
一打開… 我一啖都未飲就得咁多…
咁點先?
仲幫唔幫襯好呀? 
今年新年節目都幾特別, 就係再睇多次陳奕迅演唱會喇~
因為晌香港睇左貴位, 所以今次只係坐比較平.
不過, 睇完香港, 再聽呢度d 音響同舞台設計, 真係無話可說… 
Rundown 同香港唔多同, 多左d 國語歌, 少左d 片, smooth 左好多!
Eason 跳到條褲個膝蓋位爛左, 唔知佢有冇spare 去之後幾場呢?!
睇Eason 演唱會真係好正, 不過佢第一次黎仲正!
因為, 上次佢唱到跳左落台, 跑左個圈!
最正, 就一定係晌酒店撞到佢, 影左相~ yeah~
