Category Archives: 愛 | Self

講了好耐，嘗試訂位好多次，直到上星期，終於食到美肌促進食堂 Hakata Ton Ton!!

基本上搬進Long Island 之後，因為Sam爸在屋企附近上班，很少機會去Manhattan 食飯~

難得有得早放，又訂得到位，即刻試試傳說中之店!

HAKATA TONTON
61 Grove St NEW YORK, NY 10014

預約6點鐘，但附近泊車不容易，大約6 點4 左右才進店…

店裡只有2 檯人而已，幹嘛經常訂唔到位?  不過店也有夠細，大概只有10 張桌子

菜單上有很多東西想食，商量後決定放棄有名的美肌鍋，咁就可以試多些唔同的食物。

Monkfish Liver: 好好味，食唔出是魚的內臟，miso略有點鹹，絕對要試!

 豬肉煎餃，外皮煎得好香脆，可惜味道只是一般

厚燒玉子，中間的蛋還可以，外面有點過火了

Grilled Pork Tonsoku 黑豚燒

非常惹味兼高膽固醇燒物

軟殼蟹，入口即溶~

店名物: 燒豬腳!
皮燒得超脆口，肉卻有非常綿，要追加多一碟解饞

不夠飽，再叫一個okonomiyaki，新鮮製作，超濃醬汁，唯一Sam媽覺得可惜的是中間居然沒有bacon!!

West Village 有著各種各樣的餐廳和Food Truck，晚飯完轉個街角就見到Wafels & Dinges Food Truck

人不算太多

來個飯後甜品，Waffle with Ice cream

是夜，大滿足!!!

地震完就嚟一場颶風艾琳 – Hurricane Irene。

究竟颶風同颱風有咩分別呢？敬請有知識人士解答！

話説上星期五，8月26日，紐約市長彭博呼籲，低窪地帶的居民撤離。此乃紐約市史上第一次大規模疏散~

有人話，車，香港成日都打風㗎啦，使唔使呀？！

問題係，香港同紐約嘅地理環境同生活方式有好大嘅唔同！

對上一次打風，係打颶風嚟計，已經係成百年前。

加上今次嘅Irene 來勢兇兇，從南美洲一路上嚟有成115mph風力嘅categoy 3 storm，移動慢之餘，整個風有接近700 哩闊，破壞力同持久力都係難得一見。

美國嘅屋係木材建設，一場颶風可以帶來嘅影響包括入水，風揭屋頂，大樹倒冧。

雖然一路北上，Irene 有減弱嘅趨勢，但各州都唔敢輕敵，早早就做好防範措施。

紐約嘅地鐵，巴士同火車，連機場更晌星期六中午開始就停駛。

Sam媽星期四晚就入定油，以免真係要逃亡。

Sam爸就星期五先入，結果油站排長龍之餘仲得番最貴嘅油，咁都要入㗎….

另外就梗係買定水，糧，同電池啦！

星期六朝早都仲好好天，仲帶samsam 去游水，放放電唔係要屈咁耐向屋，佢會癲~~

下午4點左右，開始落…

一直都開住電視，直到晚上10點左右，電視台發出NJ 龍捲風警告，并表明NY 都有機會。

最恐怖係，佢10點08分發出嘅警告係話10點30分會發生，真係點走呀?!

結果Sam爸做咗一晚廳長睇實會唔會要走難~

好彩，第朝起身，咩事都冇！

周圍望吓，咦，後園剩低嗰棵樹跌咗一大片落嚟，幸運地，冇責到屋頂，又冇整到電綫！

星期日繼續落雨同大風吹，棵樹又跌多一大片…

Irene 走咗之後，發然附近好多樹倒了…

我哋個town，有一半人冇電，同一條街，對面都冇咗，我哋超好彩！

一大班人走出嚟話市長好搞咁多嘢，個風不外如是，乜乜七七。 你哋自己屋企冇事就梗係咁講啦！

紐約市同紐約市都有好多地方受災嚴重…

電視上睇住呢座嘢好似豆腐咁俾浪衝埋boardwalk

Brooklyn:

Vermont:

這兩短片只是冰山一角，真係好慶幸我哋一家都平安無事!!!

美國東岸8月23日下午時間1點51分，發生強度黎克特制5.9級地震。

震央位於Mineral, Virginia，南至Atlanta，北至多倫多，全部都感受到是次震動~

今次地震，真係百年難得一遇… 過去幾百年，強度大到紐約市有感覺的分別只有1737年，1783年 同 1884年的5.5級。

Sam媽响Wall Street 附近返工，公司大樓因為在East River邊，如果打大風，經常都會感覺到大樓有"飄"的感覺。

尋日出外食完lunch，乖乖地做事，突然感覺桌面有點震動，椅子更有上下bouncing 的感覺。

之後就聽到同事S 大叫WTH…

與此同時，Sam媽就Gchat Sam爸講呢件怪事。

未幾，FB 上就有朋友話地震!

地震? 紐約wor?!

馬上CNN, ABC, 同Fox news… 真架?!!

大家開始震，走唔走好呢？

33 樓，走又唔係，唔走又唔係…

Sam媽電話呢個時候就响，Sam爸打來，話成個office 的人都往外跑了~

放下電話，辦公大樓的人開咪講，大家要留在位置上，不要亂跑，無需要疏散。

之後大家就不停分析，上網，研究，究竟走唔走好?

Senior Director 走出來說，不疏散!

結果，大家就懷著擔心的心情，繼續該做的事。

事後才發現，很多人都疏散了，沒辦法，經過911 事件，大家都變成驚弓之鳥~

幸好此次地震也不算太利害，沒有傷亡報告，唯有某些建築物有影響，包括比較接近Virginia的首府華盛頓。

最好笑的是某報導關於Stock Exchange: "Traders in the New York Stock Exchange felt the shaking and shouted to each other, "Keep trading!""

現在大家都還在問: Did You Feel It?

我有呀，不過已經過去了，現在要擔心的是禮拜尾會打到黎的颶風Irene!!

p.s. 我呢世女真係沒白活… 經歷過911，美東大停電，現在還來一個地震!!!

唔聲唔聲, 我們番左香港~

講起搭0個16個鐘頭飛機, 真係未試過咁辛苦

班機勁爆之餘, 好多細路, 有D 仲會突然大叫, 晌走廊狂跑… D 老豆老母貫徹不干預政策, 原全唔話唔理

基本上無咩點訓過, 超慘

另外, 內地同胞們完全唔理announcement, 機都未停定就拆安全帶起身

無點訓過, 一落機就去狗友的BBQ party, 自己都覺得好強橫

自己有頭家之後，Sam媽搖身一變，成為師奶仔一個。

平時一個星期總會用個零鐘頭時間，去研究一下Weekly Circular

，睇下0黎緊有咩做特價，做定功課，禮拜尾就去入貨。

同時，亦subscribe 好多減價網頁，有平就掃。上網買野前又一定會check 下google 下，睇下有無coupon 先。

電視台TLC，呢個季度有個新節目，叫Extreme Couponing。

成日都唔記得睇，終於尋晚睇左一集，原來有人真係咁EXTREME囉。

其中有個係一日响屋企附近行2 個去收集coupon，甚至有店長會留起俾佢。

又有一個一買就買成百幾，甚至千幾樣同一款的東西。

然後，望住佢地俾錢0既時候，買0既野幾百蚊甚至幾千蚊，因為用coupon，變到只需俾1 折的價錢，可能只係幾蚊…. 真係眼都凸埋!!!

當然，要做到咁extreme，其實都要做好多功課，收集coupon，剪coupon，等等的功夫不能少~

突然想起"依家有喜"裡面的施Auntie!!

不過，睇佢地買一大堆野番屋企，又要搵地方放，又要小心幾時會過期唔用的，都真係幾頭痕…