Category Archives: 愛 | Self

Sam媽每日放工後同傻Sam 的路線都係差唔多: 响附近行20分鐘左右，就會去後面街個park 仔度放繩玩波。

因為呢個小鬼有多次走路的前科

，所以Sam媽會用同佢上一條長綿繩，咁佢跑起來無壓力，我要捉番佢又容易D

一直都因為天氣比較凍，park 度唔多人，最近開始會暖，開始多人…

早幾晚就有人見到我地玩波，問左Sam媽一句: "Are you dog trainer?"

HUH??????

我有邊忽似??

然後，前晚，又有位女士拖住隻9 歲大雪橇行過: "That's the most obedience dog I ever seen!!"

我估….
1. SamSam有得玩波的時候，係絕對精神係集中 (頭10分鐘only

)  所以，佢會好乖地响我身邊放番低個波，咁我可以再掟。佢係一隻專業的尋回犬

2. Sam媽出街，通常會著到好sporty，另加一大堆輔佐物，例如: 哨子，零食袋，小背囊連水同Chuck it… 走難一樣

3. 附近的人，好少walk 狗，更加唔好提會train狗

所以….
Sam媽變相地好似train 得SamSam好掂

其實私底下，SamSam依然係一隻過度活躍的小朋友

不過，偷偷地話你知呀，Sam媽真係有考慮過學做dog trainer 架，可惜，力不從心… 仲有，如果連自己隻衰野都搞唔掂，無咩公信力同信心囉

諗0下就算啦~~~~~

倒數緊日子，還有不到2 個星期就會飛~

今天終於拿回拎中國簽證的護照！

講起呢單簽證真係頭都大…

話說，Sam媽無香港ID，無中國ID，得美國護照一本。入香港境內無須簽證，但如果入中國內地就需要簽證。

因為婆婆年紀大，不能再像以前專登去香港見我，所以今年要探佢就要番廣州，拎簽證!!

以往如果要搞簽證，Sam媽都會交俾Sam公去旅行社搞，今次第一次自己搵人搞…

搵到個朋友介紹的旅行社，要交低舊護照，新護照(結婚後改左姓)，結婚證書，還有表格連相，代價: $160 大元

放低所有野之後，旅行社人打0黎說，我沒有填上中文名字。

我問佢，我以前一向都無俾架，點解而家要?? 同埋我個中文名係我自己未嫁前0既姓，同護照上的唔同wor?? (好明顯我唔多想俾個名佢)

佢話: 因為你中國出世，一定要俾。一係你就自己拎去整，一係我就求祈幫你作個名！

我話: 是但你啦，搞掂就好~

結果，今日拎番0黎一睇，個visa 都無中文名0既，點解係都要我俾???

同老死Y 講開，佢同佢妹都係中國出世，但現在妹妹嫁了鬼佬，又改左跟老公姓，咁如果真係要番內地，要拎簽證，咁佢又應該填咩呢？

係，係可以填本來的中文名，但係所有的ID 都係英文，真係亂填都得，咁填0黎做咩呢???

非常唔明白的一件事件

Sam媽老死Y定婚了，只是2個星期的熱情，婚前恐懼就出現

話説，老死Y的未婚夫係巴基斯坦人，衰格的Sam媽一早就唔太睇好呢段異族情緣，不過Y愛情至上，作爲best friend都唔好講太多，佢開心就算。

Y 的妹妹去年結咗婚，係美國人，所以相對來說，Y 家裡對於異族婚姻問題不大。

不過，Y 的未婚夫屬於伊斯蘭教，家裡一向希望佢娶同教的，又因爲佢係大仔，問題似乎比較麻煩….

一直Y未婚夫的媽媽都不太給好面色，Y就知道，要結婚，人媽的一關不會容易。

至於人爸，似乎還算可以接受異族的Y。直到……. 他倆宣佈要結婚!

人爸說，因為Y 不是伊斯蘭教，就算結婚，都不會被神保佑，與其結左唔好0既，Y需要"Convert" 入教!!!!!!

Y 一向都係烈女，打死不從，Y的未婚夫也不贊成。

現在的情況是膠著，Y發晦氣說唔要婚禮!

Sam媽就梗係唔贊成啦，一生人一次，以後佢一定會後悔… 加上我認識佢咁多年，點會唔清楚佢脾性呀~~~

我就建議，不如大家兩方面的傳統都唔好做，直接美式！

Y 又唔肯wor，佢係都要做齊過大禮，出門同裙褂。

真係估佢唔到，明明係蒸生瓜，居然要做齊呢D 傳統野，反而Sam媽自己一件都無做!

現在唯有希望佢兩個可以傾得掂，搞得掂係啦~~~

另外一個朋友A，都搞緊結婚，聽說也有一場大龍鳳發生左….

A和G 經歷過好多風浪，從high school 開始，離合過幾次，十多年了，終於要修成正果。

多年以來，G 媽也係唔多喜歡A，以為結婚G媽會係最大阻力，點知…

聽講 (Y的八卦

) A媽知道佢地要結婚，發了一大輪脾氣，說G 沒有"Ask for permission"，無同佢地溝通。咁如無意外，都應該同禮金之類扯上關係。

A 無奈地同Y 講，A媽足足指著G 鬧0左30 分鐘!!

之後一大堆要求，要這樣要那樣的，聽見就頭痛!!!

最後我想講…. 我好幸運呀!!!!

當初結婚，所有野我都可以自己話事，雙方家長又由得我地。

Sam爸沒有"Ask For Permission"… Sam婆沒有買龍鳳鐲…

繁複的傳統，基本上無做過，唯一就只有斟茶~~

簡單又難忘的婚禮，沒有港式的做show feel

正在計劃結婚的朋友們，加油呀!!!

上年因為去0左阿拉斯加，無$番香港….

3 月底前要清晒舊年假，一直以為得1 日，到頭來居然有兩日未放。不過低能老細唔肯俾我放晒2 日，只可以俾1 日，what a waste!!!

Sam爸繼續沒日沒夜地做，Sam媽都成個月無同佢坐低一齊食過飯，於是就趁呢日假，煲0左粥，早少少起身一齊食早餐~

送完佢番工，就梗係要陪番0下個細0既，哈哈~~

帶Sam豬出去玩0左陣，Sam媽就一支公去行mall~

屋企都叫近Roosevelt Field Mall，而自己都幾鐘意呢個mall，貪佢夠多鋪同幾乎會買的牌子都可以搵到~

可惜weekend 真係唔多會0黎，因為人多到癲，買0野食，俾錢，試衫，樣樣都要排，我無乜咁0既耐性!!!!

不過原來平日行mall，好正架，唔使同人逼，食野又唔使爭檯!!

2層樓，要行真係可以行足一日，不過Sam媽都係揀幾間鋪行下就算…

行過abercrombie kids, 全鋪7 折!! 即刻飛身入鋪

本來已經有折的，再折，買0左3 件衫1 支香水都只係$50幾蚊美金，平時，一件都要啦!!!

最好都係，唔使同班妹妹爭，又唔使同班媽咪鬥快排隊，爽!!!

下午2 點零3 點開始，mall 就會有high school年紀的年輕人出現，呢個時候我都shop 完走得啦~~

確實好hea 的一日….

如果天氣暖D 就好啦，咁我可以去整下甲之類，扮下闊太~

不過而家，回歸現實，繼續做~做~做~

自從經歷過911，Sam媽多多少少患有災難恐懼症!

就算電視台播紀錄片，或者只是preview，只要有911 的恐怖片段，我都即刻轉台。

轉台唔切的話，全身毛孔會豎起，久久不能平復。

那件事之後，大約有5年時間，我沒敢走近Grand Zero。

不明白，為甚麼遊客們咁有興趣走去看，還拍照!! 甚麼心態…..

呢幾年一直都唔敢睇災難的報導，尤其是短片類。

所以，之前四川地震，海地地震，印尼港人遇險，還有這次的日本地震，統統Sam媽都沒有看~

我又唔係完全唔理，會選擇性地看文字報導，知道最新情況。但就一定唔睇短片!!!!

本來我地都有考慮4月會去日本，但因為budget問題，最後決定放棄。

現在看來，還不知道幾耐才可以再次踏足那片土地….

當現在大家都很努力要幫助日本人的時候，Sam媽想提提大家，災難中的寵物們也需要救助。

在facebook 看到一篇消息，某主人因為救助隊告訴她不能連她的狗狗一齊帶離開，即使身在受地震影響很利害的地方，她都寧願和狗狗留在已經被震得七零八落的家。

大家，發揮你的愛心，救助人類之餘，請幫助寵物們!!!

以下是Japan Earthquake Animal Rescue and Support，一個由3個日本慈善團體組成的救助組織(包括HEART-Tokushima, Animal Garden Niigata, and Japan Cat Network) 所發起的網上捐獻方式：

如果看不到以上圖片，可以前往http://japanearthquakeanimalrelief.chipin.com/japan-earthquake-animal-rescue-and-support