今日得閒晌屋企幫個傻仔剪指甲, 結果…..
剪親個仔
本來已經止左血, 但係食完飯去完行街返黎, 佢又突然間發癲撲人…
time out 完之後發現佢隻腳指又流過血…
聽日都唔知同唔同佢去park 好……………
呢個星期公司都比較忙，所以少左寫同巡blog…
趁今日星期五，拿拿聲寫返個，唔係weekend 又唔時間寫! 
呢個星期有個好瘀0既經歷…
Singapore 分公司有個高層要整個新0既中英文名片，但係聰明0既佢地夠膽淨係send 個舊名片0既JPG file過黎俾我地睇個translation!
如果我地department 一個都唔識中文，或者唔識打中文，咁點算呢? 有時D 鬼真係好鬼無腦!
本來呢單野就應該我做0既，但係因為Sam媽有個大project跟緊，所以呢單野就俾左個temp做。最正係個低能上司問我，個temp可唔可以自己搞掂? 我話，得，如果佢識中文! 
個temp係鬼佬，所以我要打好D 英文等佢玩puzzle 咁整返靚個design。
瘀事就係响呢個時候發生… 阿temp整好左第一個version，跟住行埋黎，拎住我俾佢張中文連translation紙，再指住張JPG copy問我: “is this right? the Singapore character seems different…”
我一望，哈，Sam媽一向譯Singapore 做星加坡，所以都無睇本來個file就打左落去。結果… 人地係譯新加坡
俾個唔識中文0既美國人question我D 中文，真係死得!!!
Sam爸成日complain，話我淨係寫SamSam D 曳野，好啦，咁今次我寫返下佢D 好野啦~
養左傻Sam咁耐，有兩件事Sam媽係好proud of 0既…
1. SamSam六個月大左右就已經唔再响屋企辦事，我地無教過架。上網見好多人都為教狗狗去廁所而煩惱，我地興幸唔需要頭痛~
我記得有次帶SamSam去另外一個獸醫(唔係平時去開0個個)度，個獸醫好surprise 我地無請人返黎放SamSam 去廁所而要佢忍。佢講野D 口氣係覺得我地虐待SamSam…
因為狗狗0既膀胱可以忍0既時間係佢地0既年紀(一歲以下)加一，咁多個鐘only，所以以SamSam 5/6 個月大，應該只可以忍到6/7個鐘左右。我地返工，連交通起碼10個鐘唔响屋企。
當時我地係有vv pad 俾佢，但係佢就寧願撕爛等我地返都唔肯去。
佢而家如果想去廁所呢，會响門口坐得好靚仔望住你。
2. SamSam 破壞玩具0既實力大家應該見過，但實際上，屋企俾佢破壞0既野唔多。
見識過大家D 爛牆，爛沙發，確實覺得自己係好運的~
呢個就係成間屋暫時唯一俾SamSam破壞0既一角:
至於佢其他0既曳野情況… 4 個字講晒: 一如既往~
個炸彈終於做好左啦!
invitation 分3 部份，中西合璧，全部design出自Sam媽之手!
1. Traditional American Invitation Card: 齋英文，2 色
2. R.S.V.P. card (回覆)，齋英文，1色
3. 演唱會飛式中文Invitation，有Masalili相，4色
好多人都會DIY，我地懶D，但係都叫做半DIY。
Brown色backing，另外買，米色card 就出去印0既~ 中文飛都係!
印好返黎，工廠工人就要開工… 工廠現場狀況:
英文帖要黏上backing，其他野就用絲帶紮好，再貼返個bow，加埋餅卡，可以入信封!
兩條茂利要襯Sam豬訓左先可以開工，搞左兩晚先完成。
原本我地計過，只需要80幾張帖，點知…
As time goes by，整好晒D 帖，都有成100張，但係發現…… 點解仲爭成20張架???
我地有請咁多人咩????
查數!!!
如無意外，係Sam婆婆0既問題。
原本佢話只係請30個人左右，咁ok呀，預你一家黎兩個，15 張帖夠晒啦。誰不知到而家派帖啦，佢話要足30張帖!
好彩個印刷鋪係熟人，平俾我不單止，仲印多成50幾張。而家係要再買backing 同信封~ 不過個成本就即刻變高左…
到寫信封，原來都好頭痛，好多人我地都唔知應該點寫，例如… 親戚稱謂啦，仲有 D 淨係知佢係亞邊個，但就唔知佢個名啦…
進入頭痛階段~
禮拜尾連續去左2 日游水水~
星期六一早去park，因為落左成個禮拜雨，周圍都勁濕…
D 羊羊走晒，但係留到一地都係佢地D 草，SamSam係咁响上面roll，搞到一身勁臭!!
明明下午會去游水，但係返到屋企都係無奈地幫佢沖涼先，因為真係惡臭!!!!!
下午天氣唔錯，約埋Georgie 去游游游~
俾Georgie爸偷影… 我地咪偷返佢張相囉
游完水，夜晚返左Sam婆婆度… 預早母親節食飯~
皇恩浩蕩，Sam婆婆唔使我地出街食，俾我地買野返去!!
如果唔係又唔知SamSam可以點~
星期日，SamSam仲累，我地亦樂於偷懶，朝早無去park~ 呢大半年黎第一次!
原因係，我地下午約晒班狗友再去游游游~
Scotchie第一次join 我地!
聰明0既Sam爸Sam媽相機叉好電，出發左先發覺無帶memory card…
結果，原來Scotchie爸又係大頭蝦，無叉電~
本來可以用佢地張card，我地部機，但係實在太懶，費事行返去架車度
Georgie 地有影到好多相同video，但係file 太大，要下個星期先俾到我地。
呢張又係响佢地個facebook 度偷返黎，游完後一班家長响度幫班傻仔抹身:
BoyBoy本來唔敢落水架，不過個個朋友仔都落，大家又係咁支持佢同鼓勵佢，結果佢都可以游得好遠~ 玩到唔想上水!
由於呢日游左成個鐘，Sam爸又係咁椗野出去要佢執，SamSam返到屋企，中左槍咁… 成大半個鐘都保持住呢個姿勢，無郁過! 
—
追加濕身相一張, 又係facebook 偷返黎! 
佢個豬樣真係好好笑囉~
Sam爸幫SamSam到左啦, 原來長腳仔有成27 inch (膊頭到腳)!!!
AKC standard 係23-24 inch… 亞仔做唔到show dog lu~ XD