Category Archives: 張家煮婦

買左啦買左啦!!!
終於都買左部Dyson 吸塵機!!!

由於我家街童成日帶一大堆泥沙返屋企，兼不停甩毛，先後買0既2 部吸塵機都完全幫唔到手。

一部唔夠力，一部俾SamSam D 毛蹺到D roller 實晒，wasted all my $!!!!

結果Sam媽掃到死死下都仲係唔乾淨…

考慮買部Dyson都考慮左好耐，原因絕對係錢0既問題，因為一部可以買得起我之前0個兩部!

某日電視做特價，因為考慮得太耐，miss 左…

某日睇Blog友 Mrs. Cocabean個post，又miss 左個deal…

激氣呀!

究竟Dyson 有乜咁好?

等Sam媽扮"代表"講解下啦~

Dyson 個body design有個波，呢個波可以令到吸塵0既時候郁得好容易，唔會好似其他吸塵機咁只可以一個方向咁去。機身細細，吸力極強!

handle 0個度可以拉出黎吸D 細微位，甚至可以吸天花板，因為都可以伸得幾長。

有掣可以揀吸carpet 定普通木地板，解決我地兩樣都有0既問題。

機身有個筒形storage 位黎裝垃圾，吸滿就拎出黎，隻手唔需要掂D 垃圾，有個位拉起個底蓋，對準個垃圾筒就可以直接放晒入去，超方便~

而我最擔心0既蹺毛問題都唔再係問題 ，因為可以拆左個吸位(平時 0個D 唔得架嘛)自行清潔!!

Blog友 Mui 買左DC25，另一Blog友 Mrs. Cocoabean 就買左DC24

本來都有考慮買DC25 0既Animal version，但係問過Mui，佢話其實Animal version 都只係多幾個brush~ 唔需要啦咁!

我地最後買做DC25 All Floor 版(普通版)。

Sears 賣$549.99, Dyson website 就賣$499.99

Sear 而家做緊特價，賣$409.99。

Sam媽又上網搵左張$25 off $300 coupon，跟住自己去store pickup，Free shipping!

Final price = $409.99 – $25 coupon + tax = $402!

拎左返屋企之後，Sam爸即刻開箱試用~

淨係吸廳張area rug 咋，你睇出左幾多野?!
同埋好明顯，0個D 全部都係Sam豬D 毛….

SamSam一向都唔鐘意吸塵機聲，我用舊機吸0個陣，佢通常會走返入籠避。

對於呢部新0既發聲monster，佢好激呀，走鬼左入laundry room!!

好彩佢唔係會吠爆0個D 咋!!

冇新年氣氛，唯有自己create…

係咁意貼D~

出唐人街買咗D 花，火百合$5，mix 花$5

小菊花都係$5

本來想買銀柳㗎，不過好難自己一個人拎返屋企，放棄咗~

唐人街擺兩日花市，無咩特別嘢賣，LKK做特價，叫做辦咗少少年貨。

呢兩日除咗搞衛生同剷雪，就係咁開行turbo 整利是。

之前晌香港quote 過，因爲印得少，價錢太貴，唯有自己整~~~~~~

祝大家虎年行大運，身體健康，開心如意~ 恭喜恭喜!!!

傷者，唯Sam媽也~

今年真係多事，連放狗都多野發生!

星期六，好耐無見過Scotchie，見到佢，叫聲佢同佢玩，點知個細路一個飛身，成隻60幾磅land 落我個身度… 中左個胸

好痛

呢個教訓Sam媽以後見到boyboy 都唔好咁熱情!!!

放完狗，帶埋SamSam去新屋整少少野。

同傻Sam响間屋度追左兩野，突然條友仔蹲下放低#1!

Sam媽嚇呆左

，唔識鬧仔，淨係跑去同Sam爸講(痴左腺~)

好彩D 地毽我地會換0者，唔係都真係唔知點好!!!!

星期日，繼續去park~

最近我地個pack多左隻1歲0既cocker spaniel 叫Spencer，唔知點解好鐘意痴住我地幾個小朋友。

可能係puppy 0既關係啦，Spencer係咁跑黎跑去，結果Sam媽又再當災，俾佢撞到個膝頭哥，超痛~~~

George遲左黎，SamSam一見到佢就追埋去玩，跟住兩條友鏟左埋Sam媽度，個八月十五即刻落左地!

多災多難~~~~~~~~~~~~~~~~~~~

今日去睇Chiropractor，如果我有咩事，你幾條友仔唔俾我打爛個pat pat 我就唔係Sam媽!!!!

上個星期買左呢樽野，想轉下口味唔好成日都日式curry

我呢D 新手C 奶，唔識煮，又驚個大帝成日食同一樣野會出去偷食，唯有不斷研究新口味~

李X記D 野真係好方便，唔識煮個樽都有食譜!

屋企大大話話有10樽8樽呢個牌子0既醬料

首先爆香薯仔同洋蔥，再落雞翼，黎個大兜亂…

加半樽醬，2杯水，中火炆20分鐘 (我雞翼太多，炆左30分鐘)

好味~~~~~~

好耐無出過blog，一個字概括，懶~